رواية يديده بعنواااااااااااان (( اكبر صاعقة لو انها على حد غيري جتلته .. لكن منو مثل غروري ))
ياعمي وش سويت فيني بغرامك لاليلي ليلي ولا نهاري نهاري ...
عائله عبدالله : ( عم اموله )
عبدالله : ريال متزوج وعند عيال
فيصل : ريال مزاجي ويعصب بسرعه وعمره 23
احمد : ريال طيب وعمره 21
رشا : عمرها 19
العنود : عمرها 18
محمد : عمره 12
عائله : ابو اموله
ابو اموله وام اموله : عنده بنت وحد بس
اموله : 18 بنت حلوه وايد وحيده امها وابوها حاليا
عزام : 25 بعدين بتعرفون سالفته
عائله ابو مطر : ( خال اموله )
مطر : عمره 23
علي : عمره 20
شما : عمرها 20
ميره : عمرها 18
سهيل : عمره 12
عائله ابو عمر : ( خال اموله )
عمر : عمره 25 متزوج
سلطان : عمره 23
سلامه : عمرها 20 متزوجه ولد عمها
الريم : 17
عائله ابو سالم : ( عم اموله )
سالم : عمره 24
احمد : عمره 22
شيخه : عمرها 18
عائله ابو عوض : ( ربيع ابو اموله )
عوض : عمره 27 متزوج
خليفه : عمره 23
خلود : عمرها 20
فطامي : عمرها 18
حمد : عمره 12
سالم : عمره 10
عائله ابو حمد : ( عمهم ابو عوض ) امهم متوفيه
حمد : عمره 24
مروان : 20
اليازيه : 17
دانه : عمرها 15
البارت الاول :
خلي عنك هالهداوه .... ما ني قدك بشقاوه .... لا تعشمني حبيبي وتاكل بعقلي حلاوه.... صار قلبي من نصيبك .. ولفظ حبه يبتديبك .. حب ولا تجرح حبيبك .. وان جرحته فيوم داواك ... خلي عنك هالهداوه .... ما ني قدك بشقاوه .... لا تعشمني حبيبي وتاكل بعقلي حلاوه...
على الساعه 8 الصبح يوم السبت :
ابو اموله : اموله نشي
اموله بتعب : ها ابويه
ابو اموله : شعنى مطوله على المكيف
اموله : ابويه حر
ابو اموله : نحن فالشتى مب فالصيف
اموله : ابويه والله ميته حر ما اعرف انام جيه بدون مكيف
ابو اموله : منشوف يوم تمرضين ما بوديج المستشفى انزين يلا قومي تجهزي مروح خور فكان
اموله تنش بسرعه وعلى الحمام طيران
ابو اموله يزاعج : ههههههههههه اموله لا تتاخرين ترى العرب يتريون بيروحون ... ونزل تحت
ام اموله : وين هي بنتك
ابو اموله : ما صدقت خبر على الحمام طيران
ام اموله : هههههههههههه فديتها كبرت
ابو اموله : ههههههههههه ـــــــــــ **
ام اموله : هلا
ابو اموله : انخبرها اليوم ولا لا
ام اموله : لا ما منخبرها الحين خلها لبعدين
ابو اموله : شورج وهداية الله
يرن تلفون ابو اموله
------ : السلام عليكم
ابو اموله : وعليكم السلام
ابو عوض : ها متى بتظهرون
ابو اموله : الحين
ابو عوض : اوكي انا بتصل حق ابو مطر عشان نظهر مره وحد
ابو اموله : اوكي ... وبند عنه
اموله : يلا ابويه خلصت
ابو اموله : ما شاء الله عليج طالعه خبال خفي عليه شويه
اموله : ههههههههه ابويه شوف امايه الشرار يتناطر
ابو اموله : هههههههههههههههه
ام اموله : احشمي
اموله تروح اتحب راس امها : فديتج والله زعلتي
ام اموله : جومي عني لا ترمسيني
اموله : بعدين براضيج .... وركبو السياره ... فسيارت ابو عوض :
حمد وسالم يتضاربون وفطامي تتحرطم : اييييييييييييييييييييييه اسكتو صدعتوليه راسي
حمد : جاب انتي شوفي اخوج هو الي يبدى
فطامي : جب يجبك يليتني روحت ويا خليفه
سالم : محد قالج ما تركبين
فطامي : انته انطم
حمد : انط عاشو
سالم : الناس ادقول اسكت مب انطم
فطامي : طاعو يهالو ... وزاعجت ... ابويه اتصل حق خليفه بروح فياه
ابو عوض : ما بتصل اتحملي لين نوصل
فطامي : اوووووووف والله ما اقدر استحمل هذيلا المخبل
فسيارت خليفه :
خليفه : الحين اختج اتنتف شعرها
خلود : حرام عليك لو شلينا سالم ولا حمد ترى هذيلا ما يركبون سياره وحده
خليفه : خليها ابا اادبها
فسيارت قوم ابو مطر :
سهيل : ابويه ابغي الدكان
ميره : هيه ابويه خطفنا على الدكان
ابو مطر : ان شاء الله ... وخطفهم على الدكان
فسيارت مطر :
علي : طالعو بدت تطلبات سهيل وميره
مطر : وانا اقول غريبه ميره ما تبى تسير فيانا
شما : مصلحجيه هالبنت
الكل : هههههههههه
فسيارت ابو عوض :
فطامي : ابويه دخيلك وقف ابا انزل نزلني هنيه ما ابا اسير غيرت راي
ابو عوض : لا ماشي نزله
فطامي : والله الاتصل حق اموله بسير فياها
ابو عوض : لا تزعجين البنت
فطامي اتصلت على اموله : السلام عليكم
اموله : وعليكم السلام
فطامي : شو هالصدعه الي عندج
اموله : مشغلين اغاني
فطامي : يحضج اموله ابا اركب وياج
اموله : هلا والله الحين بخبر ابويه لحظه شويه ... ابويه فطامي تبغي تروح فيانا
ابو اموله : اوكي قوليلهم يوقفون عند الدكان منشتري سامان ومناك بتركب فيانا
اموله : اوكي ... فطامي خبري ابوج يوقف عند الدكان نبي نشتري سامان ومناكي بتركبين فيانا
فطامي : اوكي ... وبندت وقالت حق ابوها ووقفوا عند الدكان وركبت فطامي ويا قوم اموله
ابو اموله : هلا والله بفطيم
فطامي : عمي شو هالكلام
ابو اموله : هههههههههههه خلاص بسميج فطيم
فطامي : خلاص لا ترمسني
ام اموله : شحالج فطامي
فطامي : هذيلا الناس بخير عموه
الكل : هههههههههههه
وعلى طول الطريج ابو اموله يطفر بفطامي و حمد وسالم يتضاربون وميره وسهيل بالعين راديو لين ما وصلو خور فكان
اموله : فطامي تعالي فيايه مروح على الشاطي
فطامي : ما ابغي روحي بروحج
اموله تصاصر فطامي : هيه الحين ما تبغيني لازم شفتي حبيب القلب
فطامي : انطمي
اموله بصوت عالي : عاشو عاشو انطمي
حمد وسالم اضحكو : ههههههههههههههه
اموله : اضحكو على اختكم اضحكو منو قدكم
سالم : من زمان ونحن نقولها قولي اسكتي مب انطمي
اموله : ههههههههههههه والله انكم نكته
حمد : نكته ولا لغز
اموله : خلك على الخط الثاني
الكل : ههههههههههه
سالم : واااا وااااااا فقط
حمد : انط انته
اموله وسالم : هههههههههههه علمتك فطامي
حمد عصب : اسكتو لا ترمسونيه
اموله : هههههههه سويلم بتروح فيايه الشاطي
سالم معصب : سويلم فعينج يا قموله
اموله : ههههههههههه جااااااااااااب عنبو هالويه كنت الا اتمضخر وياك قموله فعينك
ام اموله : اموله عيب
ام عوض : لا برايها خليها
ابو عوض : تعالي اموله ايلسي عداليه
اموله : ما طلبت ... ويلست عدال ابو عوض وتمو يسولفون وعلى الساعه 11
اموله : انا بسير على الشاطي منو بيروح فيايه
ميره : بسير فياج
اموله : اوكي يلا خلينا نسير
ابو اموله : اموله لا تتاخرين بتي العنود بعدين
اموله اووووووووف شو اسويلها لازم اتي : ابويه يوم اتي خلها تسير صوبنا
ابو اموله : مدري ... اموله وميره راحو على الشاطي
وبعدين افترقوا ابو اموله وابو عوض وابو مطر راحو ايبون الغدا اما خليفه ومطر راحو عند ربيعهم اما علي يطفر بالبنات اما العيايز راحن يتمشن
اموله : ميره بدزج فالبحر
ميره : جان ترومين
اموله : تراهنين
ميره : هيه اراهن
اموله جان ادز ميره فالبحر وميره تزاعج : حماااااااااااااااره والله لرويج ... وتنش اتحدها واموله اتزاعج
اموله : خلاص اتوبه ما بعيدها
ميره : يالحيوانه خيستينيه ماي
اموله : محد قالج تراهنيني
ميره : والله لا راويج
اموله : خلاص انتي الي قبلتي الرهان
ميره : وين بتروحين عني اليوم
اموله طرااااااخ طريييييخ وميره هههههههههههههه
اموله : والعثره شعنى تضحكين أي يعور
----- مد ايده لاموله وجان اتنش اموله
---- : اسمحيليه اختيه
اموله : الغلط مني مب منك
ميره : هههههه
اموله تلف على ميره : هيه اضحكي
ميره : هههههههه
اموله : اسكتي فضحتينا جدام الريال اسكتي
ميره سكتت
اموله : اسمحليه هذي وحده خبله
----- : هههههههههههههه لا عادي
اموله : نحن بنسير ..... وراحن عنه
ميره : محد غيرج خبله
اموله : عنبو ما تستحين يالسه تضحكين جدامه
ميره : نسيته
اموله : نسيتي الذاكره قولي امين
ميره : جب جب
اموله : الصراحه يطيح الطير من السما
ميره : ما شاء الله عليه اقول اموله ركضي ورايه وانا بدح فيه اوني بالغلط
اموله : يلا
ميره صدقت جان تربع اما اموله تزاعج : ايييييييييييه الخبله صدقتي اتمضخر وياج قصورج اتسوين جيه
ميره : ههههههه جنت اجذب عليج انا بسير عند ابويه
اموله : برايج يالخاينه
----- : اقصري تتحرين عمرج فالبيت
اموله تلف والعثره هذا شو يسوي هنيه : لا في منتزه عام
فيصل : اسكتي احسلج
اموله اكبر طاف وراحت عنه
فيصل يزاعج : اراااااااااااااويج بعدين يالحيوانه
اموله تلف عليه وهيه معصبه : حيوااااااااااااااان محد غيرك والحيوان فينا يعرف عمره
اتمنى انه افتتاحيت الروايه عجبتكم وانا اتريا ردودكم اذا ما عجبتكم ما بكملها
مع لقاء في البارت الثاني
البارت الثاني :
مطر وخليفه رادين من عند ربيعهم :
مطر : يلا عاد خلني اشوفها
خليفه : لا يعني لا
مطر : يلا عاد
خليفه : غير هالكلام ماعندي
مطر : مذله يعني
خليفه : افهمها مثل ما تريد
مطر : برمس عمي
خليفه : هههههههههههه بيكفخك بالنعال
مطر : لازم تراك ولده
خليفه : مطووووووووووووووووور
مطر عطاها بشرده : ههههههههههه
خليفه يزاعج : ياهل
مطر راح عندهم
مطر : السلام عليكم
الكل : وعليكم السلام
توه واصل خليفه : السلام عليكم
مطر : محد بيسلم عليك
الكل : وعليكم السلام
اموله يايه تغني عبالها ان محد الشباب : وين الي عنـــي رااااااح وخلاني باحـــــــزااانييي قلبي ملاه جرااااح وابعد وخلاني دمعي على ثوبي طاح واصبحت غرقاني والقلب ناد وصاح يكفيك هجراني طير ولقاله جناح قلبي بكاله وناح الدمع ياما ساح محد واساني عاشو عاشو وليد الشامي وين الي عنـــي رااااااح وخلاني باحـــــــزااانييي قلبي ملاه جرااااح وابعد وخلاني .... شافت الشباب جان تسكت
علي : عاشو عاشو
اموله : اسكت فضحتنا الي ما منتبه انتبه
الكل : هههههههههههههههههههههههههه
ميره : اموله حركات اوني وليد الشامي
اموله : جاب ما يخصك ساخفه
ميره : بتسكتين ولا اخبر شو استوى قبل شويه
اموله : عشان ارويج الويل على اصوله
مطر : شو ستوى
اموله : ماشي الظاهر ان اختك خرفت بعد الدز فالبحر
الكل : ههههههههههههههههه
علي : خصاره ما شفتها يوم اطيح
اموله : ما عليك صورتها
علي : احلفي
اموله : اجذب
ميره : عيل والله لخبر شو صار
اموله بجديه : ميره هذا الموضوع مب مال مسخره فيها قطع رقاب
مطر : يعني مسويه شي كبير
اموله : ههههههههههههههه لا يسير فكرك بعيد
فيصل : يالسات يزاعجن جدام الناس بعد شو مسويات
علي : مدحه هي
اموله : اقول نحن يالسين نلعب مب يالسين نعرض جتوفنا جدام الناس
فيصل : هذا انتي الي فالحه فيه طول اللسان
اموله : تعال قصه
فيصل : بتسكتين ولا شو
اموله : الكلام وياك ضايع ضايع
فيصل : دوريه
اموله : ترانيه يالسه ادوره لكن عندنا شويت مشاكل فالوسائل البحثيه
سهيل و حمود وسالم وحمد نقعوا من الضحك : هههههههههههههههههههههههههههههههههه
فيصل : ما يضحك لا تحاولين اتنكتين
اموله : يا اخي اقفط اقهر انكد ما انكت
فيصل انقهر منها
سالم : لوله تعالي برويج شي عجيب
اموله : فديت سلوم انا
سالم : عيل ما برويج
اموله : ليش
سالم : منو سلوم
اموله : ادلعك
سالم : مب جيه اتخربين اسميه
الكل : هههههههههههههه
اموله ضحكت بطريقه قهرت فيصل : هههههههههههههههاااااااااي حلوه خلاص ابو غنيم رضيت الحين عليه
سالم : هيه توج
فيصل جام
مطر : على وين
فيصل : مادام ان هذي اهنيه ما بيلس
اموله : عنك ما يلست
فيصل : امل لا ترمسينيه
اموله : هذي الساعه المباركه
ام اموله : اموله اسكتي ويلا ذلفي
اموله حطت فخاطرها من كلمت ذلفي وزعجت : ياريت لو تستخدمين كلمت سيري من هنيه بدال ذلفي ... ونشت وهيه معصبه
ام عبدالله : شو تبغين البنت الحين وين تبغينها تسير
ام اموله : شفتي كيف زعجت خليها عشان مره ثانيه ما ترد على الي اكبر عنها
ام عبدالله : يعني هم مب اوله مره يتضاربون
تم اموله : خليها عشان تحس شويه على عمرها مهما يكن نحن معلمينها انها ما ترد على الي اكبر عنها
ام مطر : خلاص حصل خير
ام عوض : فطامي لحقي ربيعتج
فطامي : امايه بتروح وبتي
ام عوض : يالله بستر
فطامي : اوف اوف يعني لازم
ام عوض : ايييييييييييها والله انج بايعه الحيا
فطامي : بجم
خليفه : فطامي والله ان ما سكتي ياويلج
اموله راحت على الشاطى بس مكان ابعد عنهم اموله معصبه : عنبو لازم تستخدم كلمه ذلفي ولازم تهزبنيه جدامهم كلهم ولا بعد جدام فيصل الحين اكيد يعرف ان هذا الكلمه تقهرني وزعجت اااااااااااااااااااااااااااااااااااااخ شلت المكان شل
ام عبدالله : وين هي عيل خلود
ام عوض : خلود تحب تيلس بروحها
اموله : ااااااااااااخ لو جان عندي اخوان كبار مثلهم ليش كلهم عندهم خوان الا انا
خلود شافت اموله قاعد بروحها فقالت تروح تيلس وياها لان خلود تحب تيلس ويا اموله
خلود : اموله
اموله تلف : خلود
خلود : بلاج يالسه بروحج
اموله : ما فيني شي
خلود : اموله حبيبتي يوم تبين تجذبين لا تجذبين عليه لاني اعرفج
اموله : هالكثر انا انعرف
خلود : يمكن محد يلاحظ هالشي كثري لاني انا وانتي نعرف بعض وايد
اموله : اااااااااااااااااخ تعرفين انا فشو افكر
خلود : فشو
اموله : ليش الكل عنده خوان كبار الا انا
خلود : الله كاتب جيه
اموله : والنعم بالله بس انا يوم افكر بالهل موضوع اتعب نفسيا
خلود حظنت اموله : فديتج والله انا ما بقولج لا تفكرين لان من حقج اتفكرين لكن الحين انتي يايه اهنيه عشان اترفهين بنفسج مب اتفكرين انسي لو ليوم عيشي كل لحظه بوقتها حاولي انج ما تفكرين بهالموضوع وايد لانج بتتعبين
اموله : اتصدقين انا اعتبرج اختيه والله لو ما جنتي ويايه مدري شو بسوي
خلود : صح انا اكبر منج بسنتين لكن هذا ما يمنعني اني ما ايلس وياج ونحن اتفقنا من قبل انه انا وانتي ما نخبي عن بعض أي شي ونتبادل الهموم عشان نخفف عن بعض
اموله : فديتج والله ما اعرف كيف اعبر عن حبي لج
خلود : ههههههههه يلا ابتسمي
اموله : ان شاء الله
خلود : شرايج انغني نفس الهنود ونحن نتمشى
اموله : هههههههههههه الجو مناسب اتصدقين
ويلسن يغنن هندي بس النغمه تقريبا نفس نغمات الاغاني الانجليزيه يوم يغنون انجليزي واموله تسوي حركات نفس الهنود عاد انتو تخيلو كيف وكل الي على الشاطي يلسو امبحلقين ... ميره توها تبا تنزل على الشاطي يوم شافت المنظر صرخت : اااااااااااااااااااااااااااااه
مطر تروع على باله شي صارلها ويا يربع : بلاج ... بس هي ما تكلمت ويوم وصل تم واقف محله بلا حركه وتم يطالع كلهم استغربو ويا علي وخليفه واحمد وفيصل يشوفون ويوم شافوا تمو امبحلقين وعلي طلع التلفون ويلس يصور ويوم خلصن خلود قالت حق اموله : اموله خلينا نرد
اموله : اوكي ... الشباب يوم شافوهن يايات قالو بيروحون وبيلسون قبل ما شوفونهم جأنه ما صار شي
اموله وهي يايه اتغني بصوت عالي : ان كنت ناوي حبي فالهوى قتلي فعرف باني انا من قبل مقتول ان كنت ناوي حبي فالهوى قتلي فعرف باني انا من قبل مقتول ليتك تعاني وتشقى فالهوى مثلي ان كان اغمى عليك وطحت من طولك ان كنت ناوي حبي فالهوى قتلي فعرف باني انا من قبل مقتول (عيضه ) ... غمض عيونك حبيبي غمض عيونك بقوللك شي بس اسمعني بقلبك محتاجللك في حياتي مقدر بدونك او بختصرلك وقولك احبك احبك ( راشد )
ابو اموله : عاشو بنتيه عاشو
اموله : شكرا شكرا اخجلتني
ابو اموله : هههههههه فديتج تعالي ايلسي عداليه
اموله : ما طلبت غالي والطلب رخيص ... ويلست عداله وحضنها
فيصل : عمي ترى الدلع وايد مب زين
اموله عطت فيصل بنظره
ابو اموله : اذا ما دلعتها ادلع منو
اموله عطت فيصل ابتسامت عريضه تدل على الانتصار
علي : اموله
اموله : هلا
علي : اليوم غديتي هنديه
اموله : فعينك هنديه شو قصدك
علي : تعالي عداليه وبرويج كيف
اموله نشت وراحت يلست عدال علي وروها التصوير
اموله : متى صورته
علي : هههههههههههه سر
اموله : حلفتك يتمسحها
علي : لا يعني لا
اموله : الشيمه
علي : تس تس
اموله : عن الغلاسه يالله
علي : لا لا لا ما تفهمين
اموله : لا احفظ
علي : عيل مب حاذفنه
اموله : والشيمه
علي : لا يعني لا وبعد بنزله على اليوتيوب
اموله : القصه مذله هي وضحكت بستهزاء وحركت حواجبهاهه وبعدين انا ما بضرر انته الي بتضرر وجامت عنه
ابو اموله : شو الي يمسحه
اموله اتغني : نسو شوقي ولهفتي تخلو عن محبتي ولهفتي تخلو عن محبتي وانا كل ضنتي ما يتركوني وانا كل ضنتي ما يتركون
ابو اموله : هيه غيري الموضوع
علي : دوك خالي شوف بنتك المصونه
ابو اموله خض التلفون ويلس يضحك على اشكالهم : ولا هذي سوالفج لوله
اموله : ما سوينا شي غلط ... وعاد علي رواهم كلهم من كبيرهم لصغيرهم وتموا يضحكون
اموله : اروايك ي خرق الطلي
الكل : ههههههههه
علي جام يحدها : اروايج من خرق الطلي
اموله : اصلن اني ما ريدك دور شوف الي يفيدك اصلن اني ما ريدك دور شوف الي يفيدك من اليوم ودعني متبيع شنو يعني من اليوم ودعني متبيع شنو يعني تقل الناس بايعني ناسك تجي تسمعني كلمه ورايد احجيها أي متبيع وشنو يعني
علي : شكرا هالاهداء حقي
اموله : اتخسي والله اتخسي
علي : عيل عشان فيصل
اموله وقفت وطالعته وهي رافعه حواجبها : يخسى والله يخسى على قولت غندور
علي مسكها : ههههههههه مسكتج منو هذا غندور
اموله : هذا الي فمسلسل للاسرار خيوط ولا العكس
علي : ههههههههههههههه تذكرته هذا الي يقول غندور الي ما يلف ولا يدور
اموله : هههههههههههه هذا هو
علي : لا تتحرينيه بنسى منو خرق الطلي
اموله : منو غيرك
علي : اسحبيها
اموله : ما بسحبها مب عنز هي
علي : اخر كلام عندج
اموله : هيه اخر كلام
علي : اموله والله ان ما سحبتيها لشلج شل وفرج فالبحر وتتخرسين ماي
اموله : انزين ليش اترويهم وخليتهم يضحكون عليه
علي : يالهبله بالعكس استانسو اصلن يوم ميره شافتكن صرخت وكل الشباب ربعو وراها ويوم شافوا المنظر تمو امبحلقين
اموله : ما يخصني ليش اتفضحنيه
علي : انتي ما تتفاهمين والله لفرج ... وشلها علي شل وراح صوب البحر واموله اتزاعج
اموله : علي عيب جدام الناس نزليني خلاص بسحبها
علي : لا لا فات الفوت والحين ما ينفع الصوت
اموله : والشيمه والشيمه
علي : هههههههههه لا يعني لا ... وصل البحر ويبغي يخوفها وينزلها فالبحر بس مب داخل يبغي يخوفها
اموله : علي والشيمه والشيمه
علي : قولي التوبه
اموله : ما بقول
جان يرفعها علي وينزلها جان تتمسك فيه
اموله : والشيمه خلاص بقولها
علي : يلا قوليها
اموله : اتوبه اتوبه
علي : لا اصرخي بصوت عالي عشان يسمعونج
اموله اتزاعج بصوت عالي : التوبه التوبه التوبه
علي : هههههه وجان ينزلها
اموله راحت من وراه ومسكته : والحين انته لازم اتقولليه التوبه
علي : ههههههههههااااااااااي ما بقولها
اموله : هههههه نييها شو تبغيني اسويبك الحين
علي لف عليها بسرعه ومسكها وقرب راسها من الماي
علي : انتي الحين لازم ادقوليله شو تبغيني اسويبج
اموله : لا دخيلك لا والله ما بعيدها كنت اتمضخر وياك
علي : هيه تحريتج بعد
اموله : والحين فجني
علي : اوكي وفجها
اموله : شكرا
علي : عفوا يوم تبغين اخيسج ماي قوليله عشان اسبحج
اموله : هيه خبله ترانيه مخبقه اذنيه من ورى
علي : هههههههههه وراحو عندهم وهم يضحكون ... اموله يوم جانت اتصارخ كل الشباب والبنات راحو يطالعون شو صار وتمو يضحكون
مطر : هههههههه شو سوابج
اموله : ماشي
مطر : عيل ليش كنتي تصارخين
اموله : هههههه ما يخصك
مطر : لا تخلينيه اقوملج
اموله : لا خلاص لا
الكل : ههههههههههه
مطر : اصلن ما يحتاي ادقوليله لاني شفت كل شي
اموله : احلف
مطر : والله حتى كلهم شافوج
اموله راحت ورا ابوها وحطت ويها على ظهره : لا اليوم وايد اخجلتوني
الكل : هههههههههههههه .... تغدوا وبعدين الشباب راحو يسبحون اما البنات يلسن يطالعن الشباب يوم يتسبحون
اموله اتزاعج : علاوي اباك اتحطمهم
علي : ولا يهمج
مطر : لالا ما اصدق اليوم راضيه عليك
علي : هيه فديتها
فيصل طلع من الماي وهو معصب وتجدم عند اموله : ايه انتي لا تزاعجين فضحتينا
اموله يوم شافت شكل فيصل ما رامت تستحمل جان تضحك : ههههههههههههه
فيصل : على شو تضحكين
اموله : هههههههههه انته الحين الي بتفضحنا
فيصل شاف عمره جان يضحك : ههههههههههه
اموله سرحت وهي طالعه هذا الحين ما عرفناله مره يضحك ومره يعصب شو هالبشر
فيصل : اييييييييييييييييه بلاج امبحلقه
اموله : اولا لي اسم وثانيا انا معجبه من معجباتك ياريت اتوقعليه
فيصل : ما بوقعلج
اموله : خساره ترى الصور خلصن جنت عاد ابغيك اتوقعليه لكن قالوليه خلص الحبر
فيصل : سخيفه
اموله : مب اسخف عنك
فيصل : صراحه اخاف على بروستيجي احسن اروح عنج
اموله ضحكت بستهزاء : هه انا صراحه وجان تغير نظرتها لنظرت تحدى اخاف على مستقبليه اذا يلست وياك شو بيقولون عني الناس اخافك تفضحنيه ولفت عنه وراحت
فيصل : مستقبلج امبونه ضايع
اموله لفت عليه وتكلمت بطريقه تقهر : ما برد عليك لانك ما تستاهل
فيصل انقهر : والله لارويج ... رد فيصل يتسبح .. اما اموله راحت وهي تفكر طرااااااااااااااخ طرييييييييييييييخ
منو تتوقعون الي صدمت فيه اموله ... اتريا ردودكم .. مع لقاء فالبارت الثالث
البارت الثالث :
طراااااااااااخ طريييييييييييييييخ
اموله طاحت على الارض وقالت : اووووووف يعور وغمضت عيونها وغنت :
انا ضايق وبالي ضايق وجوي ضايق ضيقن كايد نفسي ملت وروحي ولت وعيني هلت دمعن وايد
----- : اسموحه منج اختيه ومد ايده الها ونشت اموله وهي خلاص بتموت من القهر
اموله : انته !
----- : انتي !
اموله : عاد هالمره انت الغلطان
----- : اكرر اعتذاري
اموله : مذل هي صح
----- : ما فهمت
اموله : قلت السموحه منك يا شيخ
----- : انا الي لازم اعتذر
اموله : انا ولا انته الحين خلاص
----- : ما شفتج كنت سرحان
اموله : شو هي قصت حياتك وانا ما يخصنيه فيك سرحان ولا مبارك
----- : ههههههههه حلوه
اموله : ما عليك اعجبك عن اذنك لازم اسير اتشوف الشباب الي هناكي الشرار يظهر منهم انفر بجلدي احسن
----- : هههههههههه ما عليج انا اعرفهم
اموله : احلف
----- : ههههههههههه ليش
اموله : لا باللـــــــــــه اليوم رايحه رايحه فخبر جانه مع السلامه وراحت ما عطته مجال يتكلم
فيصل : ويييييييييييه فضحتنا جدام الريال الحين شو بيقولنا ما عرفنا اربي خواتنا
علي : ما جانت تقصد
فيصل بقهر : وانته شدراك لارقيب ولا حسيب
علي معصب : ايه ما اسمحلك تغلط على بنت عموه وانا اعرفها الا اذا خواتك جيه
فيصل عصب : خواتي اشرف عنها
علي منقهر : لا والله الله يعلم ما في الصدور ترى السكوتي لوتي على الاقل هي كل تصرفاتها ظاهره
فيصل : شو تقصد
علي : مب لازم اوضحلك الكتاب باين من عنوانه
فيصل : قصدك ان خواتي مب شريفات
علي : افهمها مثل ما تبي
فيصل : ما اسمحلك تغلط على خواتي
علي : لا باللـــــــه اسمعك باذني تغلط على بنت عموه وتباني اسكتلك
مطر : خلاص هدو هدو
علي ظهر من الماي وهو منقهر ومعصب من الكلام الي يسمعه : كيف يسمح لنفسه يغلط عليها وهي بنت عمه قبل لاتكون بنت عموه وراح وهو ما يشوف من العصبيه
اموله : خلود ابغيج شويه
خلود : يلا الحين بيج ... فشو بغيتيني
اموله : خلود بخبرج شو صار ... وخبرتها بكل الي صار
خلود : هههههههههههههه يمكن ينعجب فيج ويخطبج
اموله : اايييييييييييييه اسكتي لا يسمعونا الحين شو بيقولون عنيه وبعدين لا حبيبتي انا منخطبه
خلود : ههههه ما عليج
علي بعصبيه : امل
اموله خايفه : علي
علي : ابغيج شويه
اموله : يلا الحين يايه
علي : انتي تعرفينه منو
اموله : منو
علي : عن الاستهبال
اموله : اها هذاك
علي : هيه قوليليه
اموله : اولا انته شفت كل شي لان الموقف صار جدامك وبعدين انته اتشك فينيه
علي : مدري
اموله : انا ما يهمنيه أي حد المهم اني واثقه من اهليه الي ربوني احسن تربيه .. والله ما توقعتك جيه
علي تم ساكت واموله ردت عند البنات
خلود : ها بشري
اموله خبرت خلود بكل شي
خلود : الصراحه انتي اعجبتينيه
---- : شحالكم شباب
الشباب : بخير
فيصل : اقول خلود هذي البنت الي توك اتصادمت وياها تعرفها
خالد : لا ما اعرفها كنت خاطف سرحان ما حسيت عمري الا متصادم وياها حليلها هذي المره الثايه الي اتصادم وياها حليلها لو شفتها تمت تتحرطم عليه
مطر يصاصر فيصل : ان شاء الله ارتحت الحين
فيصل ما رد ... تمو الشباب يسولفون وبعدين اظهرو من الماي وراحو يبدلون وبعدين يلسو يسولفون ويا الاهل مطر خبر علي بكل الي صار وعلي خبر مطر بالي صار وياه
العنود : بنات شوفوها
البنات ما عدا اموله الي جانت سرحانه و خلود جانت تتعبث بالتلفون : شو
العنود : اجذب عليكم واك واك
سالم يرمس خلود بصوت عالي : خلود هذي البنت عبيطه وسخيفه اونها تحاول تسوي جوى
العنود تقفطت وجان خلود و اموله نقعن من الضحك مره وحده : هههههههههههههههههههههههههههههههههههه
اموله : ههههههههههههه
خلود : اييييييييييييه اسكتي فضحتينا
اموله : هههههههههههههههههههههه
العنود عصبت : ماشي يضحك
اموله : ههههههههههههههههههههه
ابو اموله : اموله عيب اسكتي
اموله : ههههههههههههههههه ما روم ما روم هههههههههه
العنود : والله انج ما تستحين على ويهج
اموله : هههههههههههههههههه
العنود : ايه انتي
اموله : ما كنت اضحك عليج وجان تنقع من الضحك هههههههههههه خلود تخيلج طالعي تخيلج قبل لا يفوتج ههه
الكل ما عدا العنود الي جان ودها تصفع اموله كف لف وين تاشر اموله ونقعو من الضحك
اموله تزاعج : حمد فضحتنا
حمد طالع اموله : شو اسويبها مارمتلها
اموله : ههههههههههه وتاشر حق حمد تعال تعال
حمد ي يركض عند اموله : شو
اموله : حرام عليك لا تسحبها جيه
حمد : شو اسويبها اذتنيه جم تلاحقنيه
اموله : ههههههههههههه عطها هذا وبتروح عنك
حمد : ااااااااااااايه لا تضحكين وشل عن اموله الحلاوه وعطاها للبنت وبعدين البنت سارت عنه ورجع عند اموله : والله لو ما عطيتينيه الحلاوه مدري شو جنت بسويبها جنت بجتلها
اموله : حرام عليك
حمد : شعليج انتي يالسه هنيه مرتاحه
اموله : والله اسف
حمد اونه زعلان : لا ترمسينيه
اموله حبت حمد على خده : ان شاء الله الحين رضيت
حمد شاق الحلق : خلاص رضيت
الكل : هههههههههههه
فيصل بصوت مش مسموع وجان الكل يسولف وهو جان مجابل اموله : هذي ما تستحي تحب ريال ما تعرفه
اموله : سمعتك بس ما برد عليك لانك انسان جاهل
فيصل : بصمج كف
اموله : تيسر انته
فيصل : لا تخلينيه اقوملج
اموله : واااه امايه ابويه ارتجف يتني رجفه .. اتصدق خفت وايد
فيصل : اسكتي احسلج
اموله : اقول انته الكلام وياك ضايع
فيصل : بدوره لج
اموله : خلك خدماتك للشخاص ثانيه وبعدين انا رمست الشباب قالوليه الاتصالات اوكي ولفت على ابوها : ابويه والله اني مليت ابغي ارجع البيت
ابو اموله : بعدها الساعه اصبري لين المسى
اموله : ابويه والله ما اقدر
خليفه : اموله اذا تبغين اتسيرين فيايه البيت تعالي
فيصل : لا وين اتسير
اموله سوت اكبر طاف: ليش انته بترجع البيت
خليفه : هيه برجع لاني عندي شغل وخلود بترجع فيايه
اموله : والله انا ما عندي اعتراض لكن الراي الاول والاخير للسلطات العليا
ابو اموله : برايج اذا بتردين بس عندي شرط
اموله : اشرط وانا حاظر لكل شروطك
ابو اموله : تقعدين عند قوم خلود لين ما نرجع
اموله : افا ما طلبت غالي و الطلب رخيص
سالم : عمي خلها تنام عندنا
ابو اموله : مدري عندك اياها اذا تبغي ترجد ترجد انا ما عندي اعتراض
سالم : يلا عاد وافقي
اموله : ما عندي أي مشكله
فيصل منقهر : شو هالدلع
اموله : اقول انته ما يخصك
فيصل : لا تخلينيه اقوملج
اموله : اوف شو هالانسان الله يعين عمي عليك وجان ادقوم وركبت السياره وساروا بيت ابو عوض وفالطريج كله سوالف و خليفه مستانس على سوالف اموله ... مر اليوم على خير
البارت الرابع :
خلود : اموله اموله
اموله بتعب : ها
خلود : نشي يلا الساعه 11
اموله : خليني ارجد
خلود : بسج رجاد
اموله : خليني ارجد 5 دقايق
خلود : اوكي ... راحت خلود تحت عشان تتريق
ام عوض : وين اموله
خلود : راجده
ام عوض : ليش ما قومتيها عشان تتريق
خلود : ما رضت قالت خليني ارجد 5 دقايق
ابو عوض : هههههههههه قولي 5 ساعات ... وين فطامي
خلود : راجده هذي بعد مارمتلها توعى
ابو عوض : وسالم و حمد
خلود : حمد ما رمتله بعد يوعى اما سالم نايم عند خليفه
ابو عوض : ليش ما وعيتهم
خلود : دقيت الباب وماحد رد
ام عوض : هههههههههههه كلهم عيل رقود يحليلهم من كبيرهم لضغيرهم
خليفه توه ناش دخل الحمام ... اموله يوم راحت عنها خلود وعت ودخلت الحمام وخذتلها شور عشر دقايق ونشفت شعرها والحين تمشط شعرها وهي لابسه بجامت نوم
خليفه راح غرفت خلود ما يدري ان اموله راجده عندها على باله راجده عند فطامي
خليفه فج الباب وتفاجئ من البنت الي على التسريحه تمشط شعرها خليفه فخاطره ما شاء الله عليها ملاك : احم احم
اموله تلف ويوم شافت خليفه جان تستحي هي ما تستحي منه لكن يوم شافته لابس وزار وفانيله استحت : خليفه
خليفه : اسف مدري انج انتي هنيه جنت ياي عند خلود
اموله : خلود نزلت تحت
خليفه : اها وطلع من الغرفه وهو يفكر غريبه البارحه اتسولف فيايه والحين مستحيه بلاها ودخل غرفته ويوم شاف نفسه فالمرايه جان يضحك : هههههههههههههه الحين عرفت ليش جانت مستحيه ههههههه وانا كيف ما نتبهت لنفسي
اموله : الله يغربلني اشعنى ما لبست ملابسي الحين شو بيقول عني اوف والله اني غبيه ... وراحت تبدل ملابسها وراحت غرفت فطامي
اموله : فطامي فطامي نشي
فطامي بتعب : هممممممممم
اموله : فطيم نشي
جان تنقز فطامي من على الشبريه وجان ادقول : جم مره قايلتلك قولي فطامي مب فطيم
اموله نقعت ضحك على منظر فطامي : ههههههههههههههههه
فطامي حست بعمرها : ههههههههههههههههههه
اموله : يلا نشي بسج رجاد
فطامي : اوكي انا بدخل الحمام وانتي روحي غرفت حمد وعيه من الرجاد بسه
اموله : اوكي ... وراحت غرفت حمد
اموله : حمد حمد نش بسك رجاد
حمد بتعب : خلوف خلني ارجد ساعه
اموله ضحكت على حمد : ههههههههه حمد نش انا مب خلوف انا اموله
حمد : عنبوك ما تخلينيه ارحتاح حاط دوبك بدوبيه قلتلك خلني ارجد ساعه
اموله : هههههههههههه حمد انا اموله اموله اموله
حمد : حسبي الله عليك مره انته ومره سالم قلتلك خلني ارجد ساعه
اموله : قوم بسك من الرجاد
خليفه سمع اصوات وضحك فغرفت حمد فقال بيروح يشوف منو ويوم شاف اتساند على الباب ويلس يراقب
حمد وهو مب حاس بعمره : خليفه انته طيب اليوم ما جبيت عليه ماي
اموله : ليش خليفه مب طيب
حمد : اقولك لا تستعبط
اموله : حمد نش نش انا مب خليفه انا اموله
حمد : لا تجذب عليه
اموله : حمد انا خليفه يلا نش ولا بجب عليك ماي بارد ويا ثلج
حمد : نقز من على الشبريه وعلى طول على الحمام
اموله : هههههههههههههههههه هل كثر خليفه مسويلهم رعب ههههههه ولفت بتروح وشافت خليفه : خليفه
خليفه ظهر من الغرفه وراح غرفته وما تكلم كلمه وحده
اموله : بلاه هذا انا سويت شي غلط ونزلت تحت
ام عوض : اموله تعالي تريقي
اموله : ما احب اتريق
ام عوض : ما يصير جيه كلي على الاقل لجمه
اموله : تخيلج والله ما اجدر
ام عوض : على راحتج
اموله : انا بظهر برع شويه
ام عوض : برايج
ظهرت اموله برع وراحت حديقت البيت ويلست على الكرسي عاطيه ظهرها لاي حد و هي تفكر
اااااااااااااااااخ يحضهم كلهم عندهم خوان كبار و خوان ضغار وانا ما عندي ليش ليش والله حياتهم حلوه عندهم اخو يصحيهم واخت تعتني ابهم عندهم اخوان يحوطونهم وعندهم خوات يسولفن وياهم وانا وضحكت بستهزاء هه انا ما عندي أي شي من هذا هم حياتهم حلوه وانا حياتي مره يمكن هم يعيشون بعض اللحظات المره لكن يعيشونها مع بعض وجان تنزل دموع ورى دموع من عيونها ما رامت تحبسهن واتصلت على ابوها
اموله : ابويه ابغي ارد البيت
ابو اموله زاغ : اموله بلاج ليش اتصيحين
اموله مارامت تستحمل وصاحت
ابو اموله : اموله حد مزعلنج
اموله و هي تشهق : لا ابويه ... لا محد ... قايلليه شي ... ابويه ابغي ارد البيت
ابو اموله خاف على بنته : الحين بطرشلج ولد عمج فيصل لاني انا محد والدريول محد عنده شغل
اموله : طرش أي حد غير هذا
ابو اموله : على راحتج
اموله : ابويه بسرعه
ابو اموله جان فالشغل
سالم ولد اخو ابو اموله ولد ابو منصور : عمي بلاها اموله شي صايرلها
ابو اموله : مدري ما قالتليه شي قالت تبغي ترد البيت ويوم قلتلها بخلي فيصل ايبج ما طاعت اونه أي حد غيره
سالم : خلاص انا بسير ايبها
ابو اموله : لا انته تعبان بخلي أي حد
سالم : لا عادي بسير ايبها
ابو اموله : برايك
سار سالم ايب اموله وخبره ابو اموله وين بيتهم
اموله مشت دموعها وغسلت ويها وراحت داخل
اموله : خالوه انا بسير البيت
ام عوض : وين بتسير ايلسي عندنا
اموله : اشتقت حق امايه و ابويه
ام عوض : لا ماشي سيره ايلسي اليوم بعدج عندنا
اموله : خالوه الله يخليج الحين ولد عميه بي يشلنيه
ام عوض : افا ماعيبتج الليلسه ويانا
اموله : استغفر الله لا والله بالعكس بس انتي تدرين انا ما اقدر افارج امايه وابويه
ام عوض : على راحتج
عوض وحرمته توهم ياين
عوض : افا عندنا اموله ولا حد خبرنا
اموله ابتسمت بس
عوض : حياج اجربي اجربي
اموله : جريب عاد يت متاخر الحين انا بسير
عوض : لا ماشي سيره
اموله يرن تلفون اموله : ها وصلو خيرها فغيرها وجان اترد : الوه
سالم : السلام عليكم
اموله : وعليكم السلام
سالم : اخبارج
اموله : بخير وانته اخبارك
سالم : بخير الحمدالله ما نشكي لا من باس ولا من فاس ولا ناس
اموله : هههههه
سالم : اموله انا برع يلا ظهري
اموله : ثواني وانا عندك وبندت التلفون : يلا مع السلامه
الكل : فمان الله
ركبت اموله السياره بس ورا
سالم : اركبي جدام
اموله : لا عادي بركب اهنيه
سالم : ليش تستحين
اموله : لا
سالم : عيل اركبي جدام
اموله : خلاص وركبت جدام .. على طول الطريج اموله ما ترمس اما سالم يسولف ( بلاها ما ترمس لا بالــــله حد مزعلنها )
سالم : اموله بلاج حد مزعلنج
اموله : ها لا محد
سالم : عيل ليش ماترمسين
اموله : توني ناشه من الرجاد ومالي خاطر ارمس
سالم : على راحتج ... وتمو على هذي الحاله لين ما وصلو البيت اموله نزلت من السياره : سالم اسمحليه تعبتك ويايه
سالم : افا تعبج راحه
اموله : يلا عيل فمان الله وانتبه وانته تسوق
سالم : هههههههههه ولا يهمج ذكرتينيه بالوالده
اموله : سلم عليها سلامن كثيرن وعلى الوالد بعد وصللهم سلامن حار
سالم : يوصل ... وبندت الباب ودخلت الباب وراحت لغرفتها على طول حتى امها استغربت من تصرفها
فبيت ابو عوض :
فطامي : امايه اموله وينها
ام عوض : راحت بيتهم
فطامي زاعجت : اشعنى راحت وما قلتوليه اشعنى ما خبرتنيه
خليفه توه نازل : ايه بلاج اتزاعجين صوتج واصل برع
ام عوض : اونه ليش ما نخبرها ان اموله راحت البيت
خليفه : متى ومنو وداها
ام عوض : قبل شويه واحد من عيال عمها وداها
فطامي جامت وهي معصبه : اشعنى راحت لا يكون البرنسيسه ما عجبتها الخدمه عندنا
ام عوض : اقصري لسانج الحين انتي خلي عمرج بدالها بتقعدين عندهم
فطامي ما ردت راحت غرفتها
خلود : محد يعرف شو فيها غيري انا
خليفه يلس عدال خلود : وشو فيها
خلود حست بعمرها : ها انا ارمس عن السمجه الي فالحوض مريضه
خليفه بتشكك : اها ها
فبيت ابو عبدالله :
العنود : امايه وين بتسيرين
ام عبدالله : بسير عند حرمت عمج ام اموله
العنود و فيصل : غريبه الحين الظهر مب من عوايدج
ام عبدالله : اموله
العنود بخوف : بلاها اموله
ام عبدالله : تقول امها دخلت البيت ولا تكلمت راحت غرفتها على طول وستغربت من تصرفها ويوم راحت اتشوفها ... صاحت ام عبدالله
فيصل والعنود بخوف : امايه كملي
ام عبدالله :شافتها متغطيه باللحاف
فيصل والعنود نقعو من الضحك : ههههههههههههههههه
ام عبدالله : اضحكو حصلتها متغطيه بالحاف ويم رفعت اللحاف شافتها محمره وحرارتها مرتفعه ويالسه التهاذي
العنود : شو
ام عبدالله : والحين هي فالمستشفى حالتها مثل ما هي تهاذي بكلام محد يعرفه
العنود : وما عرفوا شو بلاها
ام عبدالله : الدكتور يقول عندها انهيار عصبي
فيصل والعنود : انهيار عصبي
العنود : من شو
ام عبدالله : يقول الدكتور ياها انهيار عصبي لان نفسيتها تعبانه وبترجعلها الحاله واذا ما تعالجت الله يعلم شو بيصير
ام عبدالله : بس هم مايبغون حد يعرف بالسالفه
الكل : ان شاء الله .. وراحو المستشفى
ابو اموله وسالم توهم واصلين المستشفى : ها بشري شو صار
ام اموله وهي تصيح : نفس ما هي
ابو اموله : انا قلت شي صاير وياها بس ما طاعت ادقولليه
الدكتور توه طالع من عند اموله
ابواموله : ها دكتور بشر
الدكتور : بعدها على نفس حالتها
ابو اموله : والحل
الدكتور : لازم اتم اهنيه كم من يوم لان نفسيتها تعبانه
ابو اموله : تعتقد ان حد قايللها شي
الدكتور : لا ما اعتقد نفسيتها تعبانه من كثر التفكير على فكره البنت صغيره وايد على هذا الشي ولازم تتعالج باسرع وقت
ابو اموله : كيف يعني انسفرها للخارج
الدكتور : لازم تاخذها لاحسن دكتور نفسي وانا انصحك تاخذها للخارج وانا بدلك على دكتور هناكي
ابو اموله : ومتى نقدر انوديها
الدكتور : لين ما تستقر حالتها نحن مراقب وضعها
بعد اسبوع من الاحداث درى الكل بالي صار والحين حالت اموله استقرت وطلعت من المستشفى والكل ميتمع عندهم :
فيصل توه داخل المطبخ وقف يوم سمعهن يتكلمن
خلود : اموله حبيبتي انا جم مره قلتلج لا تفكرين وايد فالموضوع لانج بتتعبين
اموله اتصيح : خلود حبيبتي حاولت بس ما اقدر ما اقدر احاول انسي لو لساعه لكني ارجع وافكر قوليليه مش من حقي افكر مش من حقي افكر انا انسانه الها مشاعر واحاسيس
خلود : اموله هذا من حقج لكن اذا تميتي اتفكرين بتتعبين نفسيا وبعدين بتضطرين اتشوفين طبيب نفسي
اموله : انا ابا طبيب نفسي على الاقل بيسمعليه وانا برتاح نفسيا بيخفف عليه وبيسمعنيه بدون ما يقولليه اوف مليت اوف مدري شوه
خلود حظنت اموله : انا مب قصدي جيه انزين الحين اسكتي لا تصيحين
اموله : الموت اهونليه الموت اهونليه من هالعيشه انا ما بغي هالعز ما ابغي اعيش مدللـه ابغي اعيش مثل أي بنت ثانيه
خلود : بس حبيبتي والله انا بعد ما اقدر استحمل اشوفج جيه
اموله تمت اتصيح شرات اليهال وخلود اتحاول اتهديها
فيصل ما قدر يستحمل ورد عند الشباب وهو سرحان ويفكر هو اول مره يشوف اموله جيه اما اموله رجدت من كثر الصياح
علي : عموه عيل وين اموله ما اشوفها
ام اموله : رجدت
علي : ليش رجدت الحين الظهر
ام اموله : مدري
مطر : حوحو ابو الشباب
فيصل : والعثره بلاك
مطر : وين وصلت
فيصل : ما خطيت خطوه
مطر : اقول ابو الشباب العبها على غير
ابو اموله : اقول بما انه نحن الحين فايجازه ليش ما نسافر منها نستمتع ومناكي انودي اموله للعلاج
ابو عبدالله : والله انا ما عندي أي اعتراض
ابو عوض وابو مطر : ونحن بعد ما عندنا أي اعتراض
ابو اموله : وانته ابو منصور شو الراي
ابو منصور : ما عندي اعتراض
ابو اموله : عيل اتفقنا وان شاء الله السفره ورى بكره
الكل : ان شاء الله .... عاد البنات طايرات من الفرحه ... راح الكل ما عدا عائله ابو عبدالله :
ابو عبدالله : ـــــــــــــ*** شو حل بالبنت
ابو اموله : مدري عنها اتصلتليه ويوم جانت اترمسنيه جان صوتها مب عاجبنيه ويوم سئلتها صاحت وقالتليه ابا ارد البيت ويوم سئلتها حد مزعلنج قالتليه لا بس ابغي ارد البيت وسالم وداها البيت وقالي ان شكلها ما يطمن ومامرن 10 دقايق الا وام اموله داقه عليه ادقولليه انها فالمستشفى
ابو عبدالله : عين ما صلت على النبي
ابو اموله : يقول الدكتور حالتها النفسيه تعبانه من كثر التفكير
ابو عبدالله : هي بعدها صغيره على الهموم والتفكير
ابو اموله : تمت اتهاذي بكلام مش مفهوم
ابو عبدالله : مثل شو
ابو اموله : مدري ما فهمت شي منه
ابو عبدالله : لا حول ولا قوت الا بالله وشو قال الدكتور
ابو اموله : قالليه لازم انوديها لدكتور نفسي وهو دلنيه على الدكتور
ابو عبدالله : عيل شو تتريا ودها
ابو اموله : الدكتور الي دلني عليه فايطاليا وان شاءالله بوديها
ابو عبدالله : ان شاء الله بتتعالج ...اموله نشت من الرجاد ونزلت تحت
اموله : ابويه وين
العنود : سارهو وابويه العزبه
اموله : اها وامايه وين
العنود : راحت عند ــــــــــــ** مريضه
فيصل : اموله تبغين اتحوطين
اموله : ما لي خاطر
فيصل : يلا جومي خلينا نتحوط
اموله : فيصل الله يخليك ما ابي
فيصل : بتروحين يعني بتروحين
اموله : مالي نفس
فيصل : مب عكيفج انا بسير اشغل السياره واباج جدام السياره انتي والعنود ورشا وحمود يلا
اموله : ااااااااااه امري لله ... وركبوا السياره
حمود : اموله بسالج سؤال
اموله : اسئل
حمود : مستحي
اموله ضحكت على شكل حمود : ههههههههههه
فيصل ( دوم مب يوم ... فخاطره )
حمود : هههه شفتوا ضحكتها خخخخخ جنت اجذب عليك ابغيج تضحكين
اموله : ههههههههه حمود بلاك مخرف هههههههه مشكور
فيصل : يلا انزلو وصلنا
الكل نزل ما عدا اموله الي تتسحب
فيصل : اموله تبغيني اساعدج
اموله : لا مشكور ... جان تنزل
اموله : هههههههه ما وحالهم وين اختفو
فيصل ياربي بموت انا : عاد تعرفينهم يحبون البحر اموله
اموله : هلا
فيصل : تعالي ويايه برويج شي
اموله : اوكي
فيصل وداها عند اليهال مسوين قلعه من الرمل : عيبج المكان
اموله : الصراحه حلو وايد
فيصل : اموله ابا اسئلج سؤال
اموله : اسئل
فيصل : اليوم جنت داخل المطبخ وشفتج اتصيحين وسمعت الكلام ليش جنتي اتصيحين
اموله : ماشي بس تعبانه من التفكير
فيصل : فشو تفكرين
اموله : تفكير عادي
فيصل : عيل يسويبج جيه
اموله : ااااااااااه انته متدري التفكير العادي يتحول الى تفكير يتعب مع الايام يمكن تعرف
فيصل سكت ما رمس
اموله : ابغي ارد البيت
فيصل : ماشي رده
اموله : والله مليت
فيصل : ماشي رده يعني ماشي
اموله : والله تعبانه ابغي ارتاح
فيصل : انزين ايلسي وبيروح عنج التعب
اموله يلست وفيصل يلس يوم شافها يالسه
اموله : ابا اسئلك سؤال
فيصل : اسئلي
اموله : انته تغيرك عليه تغير شفقه عليه ولا لاني تعبانه نفسيا ويوم اتردليه طبيعتي بترد مثل اول
فيصل تضايق : امل خلينا نرد البيت
اموله : اول شي جاوب على سألي
فيصل : خلاص سكري على الموضوع
اموله : اصلن انا خضت جوابي الي ابغي منك
فيصل عصب : اقولج خلينا طيبين احسن
اموله : اصلن ابو طبيع ما يخوز عن طبعه
فيصل راص على ضروسه : اقول لو تسكتين يكون احسن يلا جومي مرد البيت
اموله جامت وركبت السياره وفيصل اتصلهم وقالهم انهم بيروحون وركبو السياره وردو البيت اموله شغلت التلفزيون ويلست اطالع التلفزيون وفيصل ظهر من البيت معصب
فيصل : احاول اكون طيب وياها واغير من تصرفاتي وياها وتي فجاه وتغير كل شي لكن انا اراويج يا اموله الايام يايه ان ما خبلتبج ما اكون فيصل ودقله واحد من ربعه وسار عندهم
فبيت ابو منصور : سالم يقرى الجريده
شيخه : سالم طلبتك قول تم
سالم : تمين
شيخه : باجر ابغي اروح المول اشتري سامان
سالم : حاظر انا كم شواخي عنديه
شيخه راحت وحبت اخوها على خده
سالم : ههههههههه لو ادري جان من زمان وديتج
شيخه : ومنشل اموله فيانا
سالم : هيه خبريها على الاقل اتغير جو
شيخه : فديت اخويه انا
سالم : ههه خلاص بغير راي عشان تتفدينيه وتترجينيه
شيخه : لا والله اصلن يكفي ان هذا الحب من قلبيه
سالم : فديت قلبج انا
شيخه : بس عاد والله استحي
سالم : فديت الي تستحي
شيخه غطت ويها بالمخده : والله لروح اخجلتني
سالم : هههههههههههههههه خلاص ما بتكلم
احمد : ادقول حرمتك يالس اتغازلها
سالم : ما يخصك تعالي حبي تعالي
احمد : ايه بسكم اغار تراني
سالم : برايك غار موت من الغيره
احمد : شواخي تعالي عداليه
شواخ : الحين بي
سالم : لا لا تسيرين
احمد : تعالي ما عليج من كلامه
شواخ : والله ما ادري
سالم : عفيه عليج ياالشاطره موت غيره
احمد ربع صوب شواخ ومسكها : حبيني على خدي
شواخ حبته على خده
احمد : بعدج على الصوب الثاني
شواخ حبته على الصوب الثاني جان ينش سالم ويتراكضون
سالم : لا لا تتراكضون انا اراويكم
احمد يدلع على سالم من فوق
سالم : لا اراويك ويركض وراه ويدخل غرفت جان يبغي يقفل الباب لكن سالم مسكه
احمد رجع على ورى يالساحر مسرع ما يت
سالم : وين بتروح عنيه
احمد : خلاص التوبه
سالم : ههههه ما ينفع الحين .. ومسكه وتم يقرقطه
احمد : بس بس انا مب ياهل هههههههههه والله بموت
سالم : ههههههههههههه اراويك اليوم
احمد : هههههههه ويزاعج امييييييييييييييييييه الحقي عليه الحقي بموت يبغي يجتلني
سالم : هههههههههه ما بتسمعك
احمد : والشيمه
ام منصور توها داشه الغرفه جان تزاعج : ايييييييييييييييييه شو تسون
سالم : خليني اادبه
احمد : امييييييييييييه الحقي عليه بموت يقولون الضحك يميت القلب
ام منصور : سالم فج اخوك ولا تراني بزعل عليك ... سالم فج اخوه
احمد : أي بطني
ام منصور : اشعنى اتسوي بخوك جيه
سالم : محد قاله يغايضنيه
احمد : هو الي بدى تم يغايضنيه
ام منصور : اييييييييييييييييييييييييييييييها والله انكم يهال
سالم حضن امه : فديتج يالغاليه كله ولا زعلج
ام منصور : هههههه ما زعلت ازعل من الدنيا كلها الا انته
سالم يدلع على احمد
احمد : اميييييييه شوفيه يدلع عليه افاااااااا وانا تزعلين مني
ام منصور : ازعل من الدنيا كلها الا انته
احمد حضن امه : فديتج والله
سالم يدز احمد واحمد يدزه
ام منصور : جوموا عنيه ... وراحت عنهم وهم يضحكون
اتريا ردودكم ... مع لقاء اخر فالبارت الخامس
